seker

FaceBook

קאָנטאַקט־פֿאָרמולאַר

לייענזאַל

olam kria

נייַעס

קולטור־קאַלענדאַר אױף אַפּריל אינעם חודש אַפּריל איז געבוירן געוואָרן אַ רײ באַרימטע פּערזענלעכקייטן פֿון דער ייִדישער קולטור:...
אַ קראַנץ אין "יד־ושם" אין אָנדענק פֿון די חורבן־קדושים דעם 21טן אַפּריל 2020 האָט דער דעלעגאַט פֿון דער נאַציאָנאַלער אינסטאַנץ פֿאַר ייִדישער קולטור...
קולטור־קאַלענדאַר אויף מערץ אינעם חודש מערץ זײַנען געבוירן געוואָרן די פֿאָלגנדע באַרימטע פּערזענלעכקייטן פֿון דער ייִדישער קולטור:...
דער קאָראָנאַװירוס־גלאָסאַר פֿון דער ייִדיש־ליגע coronavirus pandemic די קאָראָ֜נאַ־ווי֜רוס־פּאַנדעמיע [DI KORÓNA-VÍRUS-PANDÉMYE]containment zone די אײַ֜נהאַלט־<אײַ֜נצאַם־>זאָ֜נע, ־ס[DI ÁYNHALT-<ÁYNTSAM->ZÓNE, -S] cordon off...
אָפּשאַפֿונג פֿון אונדזערע אימפּרעזעס מחמת דער קאָראָנאַװירוס־עפּידעמיע װערן אַלע אימפּרעזעס פֿון דער אינסטאַנץ אָפּגעשאַפֿן אָדער אָפּגעלײגט ביז דער ספעציִעלער מעלדונג....
23.6 תּלמידים פֿון נ. ליפֿשיץ זינגען אין תּל־אָבֿיבֿ דינסטיק, דעם 23טן יוני 2020 (די דאַטע האָט זיך געענדערט), 19:30 אַ זייגער, אינעם...
14.5 קאָנצערט פֿון מיכאל גײַסינסקי אין ירושלים דאָנערשטיק, דעם 14טן מאַי 2020, 10:45 אַ זייגער, אינעם ירושלימער קהילה־צענטער "גינות־העיר" (עמק־רפֿאים־גאַס 12) וועט...
רייזל טערנערס מאַגיסטער־אַרבעט געשטיצט פֿון דער אינסטאַנץ שוין אין משך פֿון 6 יאָר טיילט די נאַציאָנאַלע אינסטאַנץ פֿאַר ייִדישער קולטור צו...
20.4 פֿאָרשטעלונג פֿון לענאַ סאָקאָלאָוו אין חדרה מאָנטיק, דעם 20סטן אַפּריל 2020, 17:00 אַ זייגער, אין דער חדרהר געזעלשאַפֿט פֿאַר ייִדיש...
12.3 כאָר־געזאנג אין תּל־אָבֿיבֿ מיט שמוליק נאַדל דאָנערשטיק, דעם 12טן מערץ 2020, 10:00 אַ זייגער, אינעם קלוב "עמך" אין תּל־אָבֿיבֿ װעט פֿאָרקומען אַ...
3.3 קאָנצערט פֿונעם זינגערס־דועט אין באר־שבֿע דינסטיק, דעם 3טן מערץ 2020, 16:00 אַ זייגער, אינעם קלוב "עמך" אין באר־שבֿע װעט פֿאָרקומען אַ...
11.6 אַל־ישׂראלדיקער פֿעסטיװאַל פֿון ייִדישע כאָרן אין אַשקלון דאָנערשטיק, דעם 11טן יוני 2020, אין אַשקלון וועט צום 24סטן מאָל פֿאָרקומען דער...
דער ייִדיש־קלוב אין רעננה האָט געענדערט זײַן אַדרעס דער ייִדיש־קלוב אין רעננה האָט געענדערט זײַן אַדרעס. איצט געפֿינט ער זיך אינעם קולטור־צענטער...

װירטועלע קלאַװיאַטור


klaviatura

 


hadashot iruim

די רעקלאַמע

neve shalom

די בילדער פֿון דער אימפּרעזע

neve ilan2016 

neve ilan 2016

פֿרײַטיק, דעם 9טן סעפּטעמבער 2016, 20:30 אַ זייגער, אינעם מוזיקאַלישן קלוב "האַוואַנאַ" (יגאל־אלון־גאַס 126, תּל־אָבֿיבֿ) וועט פֿאָרקומען אַ קאָנצערט פֿון דער זינגערין מאַרינאַ יעקובאָוויטש – די גראַן־פּרי־לאַורעאַטין פֿונעם ייִדישן לידער־קאָנקורס א"ן פֿון ש. מיכאָעלס אין מאָסקווע. זי ווערט באַגלייט פֿונעם פּיאַניסט און אַראַנזשירער לעוו סאַנדיוק, ווי אויך פֿון דעם פֿידלער פֿונעם ישׂראלדיקן פֿילהאַרמאָנישן אָרקעסטער אַלכּסנדר פּאָוואָלאָצקי.

אין דער צװײ־שעהיקער פּראָגראַם - לידער אויף ייִדיש, העברעיִש, רוסיש און אוקראַיִניש. מער פּרטים באַקומט מען דורכן טעלעפֿאָן 054-6872286.

אינעם לערניאָר 2016 / 2017 אינעם מוזיי "בית־התּפֿוצות", וואָס געפֿינט זיך אויפֿן שטח פֿון תּל־אבֿיבֿער אוניווערסיטעט, ווערט אָרגאַניזירט אַ קורס וועגן דער געשיכטע פֿון ייִדישער קולטור אין דער הויפּטשטאָט פֿון פּוילן, דער עיקר צווישן צװײ וועלט־מלחמות.

די באַגעגענישן וועלן פֿאָרקומען פֿרײַטיק איין מאָל אַ חודש 9:00 אַ זייגער אין דער פֿרי. די לעקטאָרן זענען באַקאַנטע פּראָפֿעסאָרן און דאָקטאָרן פֿון ישׂראלדיקע אוניװערסיטעטן.

מער פּרטים קאָן מען באַקומען דורך דער בליצפּאָסט אָדער אויף די טעלעפֿאָנען, וועלכע זענען אָנגעוויזן הינטן אויף דער מעלדונג.

warsaw2016 17

פֿרײַטיק, דעם 15טן יולי 2016, אינעם גערעם פֿונעם גרױסן פֿעסטיוואַל לכּבֿוד דעם 50סטן יאָרטאָג זינט דעם צוטיילן דעם נאָבעל־פּרײַז דעם ישׂראלדיקן שרײַבער שמואל־יוסף עגנון, האָט די באַרימטע שוישפּילערין ליא קעניג פֿאָרגעלײענט עטלעכע אויסצוגן פֿון זײַנע ליטעראַרישע ווערק אויף העברעיִש און אויף ייִדיש.

די אימפּרעזע איז דורכגעפֿירט געוואָרן אינעם יפֿוער טעאַטער "הסימטה" מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור.

aviv2016aviv2016kenig

דער "אַרבעטער־רינג" אין ישׂראל טײלט מיט, אַז עס איז פֿאַרענדיקט געוואָרן מיט הצלחה דער פֿולער פּראָיעקט פֿונעם דיגיטיזירן אַלע נומערן פֿון די "לעבנס־פֿראַגן" – די לעצטע צײַטשריפֿט, וואָס איז אַרויסגעגאַנגען אין משך פֿון 63 יאָר (1951 - 2014) אויף ייִדיש אין מדינת־ישׂראל.

שוין פֿון איצט אָן זײַנען אַלע זײַטלעך פֿון יעדן נומער צוגענגלעך פֿאַר יעדן פֿאָרשער און היסטאָריקער פֿון דער ייִדישער געזעלשאַפֿטלעכער, פּאָליטישער און קולטורעלער געשיכטע און פֿאַר יעדן ליבהאָבער פֿון ייִדישן װאָרט, וועלכע וועלן דאָ געפֿינען אַ שלל אינפֿאָרמאַציע פֿון היסטאָרישן באַדײַט.

דעם פּראָיעקט האָט ספּאָנסירט פֿון זײַן ירושה פּנחס [פּיניעק] קרישטאַל. עס האָט אים אויסגעפֿירט די ישׂראלדיקע נאַציאָנאַלע ביבליאָטעק. דער אינטערנעץ־אַדרעס פֿון דיגיטאַלע "לעבנס־פֿראַגן" איז https://web.nli.org.il/sites/JPress/Hebrew/Pages/Lebens-Fragen.aspx

בשעת־מעשׂה איז פֿאַרטיק געוואָרן דער צווײטער נומער פֿון "פֿרײַע לעבנס־פֿראַגן" אין אַן אויסגעברייטערטער קאָמפּיוטעריזירטער אויפֿלאַגע: https://lebnsfragn.com/

דינסטיק, דעם 5טן יולי 2016, 19:30 אַ זייגער, אינעם לאָקאַל "צוותא 3" (אבן־גבֿירול־גאַס 30, תּל־אָבֿיבֿ) איז פֿאָרגעקומען אַ פֿײַערלעכער אָוונט לכּבֿוד דעם 18טן יאָרטאָג זינט דער גרינדונג פֿון דערקונסט־סטודיע פֿונעם ייִדישן ליד, אָנגעפֿירט פֿון נחמה ליפֿשיץ.

עס נעמען אָנטייל די זינגערס - תּלמידים פֿון דער סטודיע, ווי אויך דער פֿידלער מיכאל זאַכאַרין, דער קלאַרנעטיסט יעקבֿ יאַכנין, דער קאָנטראַבאַסיסט סטאַס באַולין. בײַם קלאַוויר – די דירעקטאָרין פֿון דער סטודיע און די רעזשיסערין פֿונעם אָוונט, רעגינע דריקער.

די אימפּרעזע איז אָרגאַניזירט געוואָרן אונטערן פּאַטראָנאַזש פֿון דער נאַציאָנאַלער אינסטאַנץ פֿאַר ייִדישער קולטור. 

01 3.36

04 0.50

nexama2016studio

זונטיק, דעם 19טן יוני 2016, 19:30 אַ זייגער, אינעם קלוב "בית־נגלר" אין קרית־חיים (יצחק בן־צבֿי־גאַס 48, חיפֿה) װעט פֿאָרקומען אַן אָריגינעלער ליטעראַרישער קאַבאַרעט "איינזאַמע קלאַנגען", פֿאַרפֿאַסט און אויסגעפֿירט פֿון רזיה אדם. מוזיקאַלישע באַגלייטונג – איליאַ מאגאַלניק.

די פֿאָרשטעלונג איז געווידמעט דעם אָנדענק פֿונעם אַמעריקאַניש־ייִדישן דיכטער אַב פּאַוויס. נאָך פּרטים באַקומט מען בײַ חדווה באַכמאַן דורכן טעלעפֿאָן 054-6528265.

cabaret

cabare2

לױט די בקשות פֿונעם עולם, װעט אינעם גערעם פֿונעם שלום־עליכם־פֿעסטיװאַל פֿאָרקומען אַ צוגאָב־פֿאָרשטעלונג: דינסטיק, דעם 17טן מאַי, 18:00 אַ זײגער, אין תּל־אָבֿיבֿער סינעמאַטעק.

פּרטים און בילעטן קריגט מען אױפֿן װעבזײַטל פֿון דער סינעמאַטעק אָדער דורכן טעלעפֿאָן 03-6060800.

cambridge history

דער תּל־אָבֿיבֿער אינסטיטוט פֿאַר ייִדישער שפּראַך, ליטעראַטור און קולטור א"ן פֿון דער משפּחה גאָלדרײַך און דער פֿאַרלאַג "קיימברידזש יוניווערסיטי פּרעס" מעלדן וועגן דעם אַרויסגעבן אַ זאַמלבוך אויף ענגליש "די קיימברידזשער געשיכטע פֿון ייִדיש־אַמעריקאַנישער ליטעראַטור".

דאָס בוך איז רעדאַגירט געוואָרן פֿונעם פּראָפֿעסאָר פֿון תּל־אָבֿיבֿער אוניווערסיטעט חנה ווירט־נשר. נאָך פּרטים באַקומט מען אויפֿן וועבזײַטל און דורך דער בליצפּאָסט.

sadna givatayim

דאָנערשטיק, דעם 5טן מאַי 2016, אינעם גבֿעתיימער שטאָט־טעאַטער איז פֿאָרגעקומען אַ קאָנצערט פֿון די שילערס פֿון דער ייִדישער געזאַנג־סטודיע, וואָס פֿונקציאָנירט בײַ דער גבֿעתּיימער מיטלשול א"נ פֿון תּלמה ילין אונטער דער אָנפֿירונג פֿון הדסה בן־חיים.

די סטודיע ווערט געשטיצט פֿון דער נאַציאָנאַלער אינסטאַנץ פֿאַר ייִדישער קולטור.

די אימפּרעזע איז געווען געווידמעט דעם אָנדענק־טאָג פֿון חורבן און גבֿורה פֿונעם אייראָפּעיִשן ייִדנטום.

ta uni shoa page 001

דאָנערשטיק, דעם 5טן מאַי 2016, 16:30 אַ זייגער אין תּל־אָבֿיבֿער אוניווערסיטעט, אינעם צענטער פֿאַר ייִדישער ירושה א"נ פֿון צימבאַליסטאַ, וועט פֿאָרקומען אַ קאָנצערט פֿון ייִדישע לידער, געשריבענע פֿון מרדכי געבערטיג, מאַרק וואַרשאַווסקי, אַבֿרהם גאָלדפֿאַדען, איציק מאַנגער, אַבֿרהם סוצקעווער א"אַנד.

די זינגערין – בבת [באַוואַט] מרום. דער פּיאַניסט און מעלאָדיעס־באַאַרבעטער – אייל באַטדי אימפּרעזע איז געווידמעט דעם אָנדענק־טאָג פֿון חורבן און גבֿורה פֿונעם אייראָפּעיִשן ייִדנטום. נאָך פּרטים באַקומט מען דורכן טעלעפֿאָן 03-6408020 און אויף דער בליצפּאָסט heritage@post.tau.ac.il . 

praver

פֿונעם 9טן ביזן 11טן אַפּריל 2016 האָבן די אַרגענטינער ייִװאָ־אָפּטיילונג און דער ייִדישער וועלט־קאָנגרעס דורכגעפֿירט אַ סעמינאַר "ייִדיש אין 21סטן יאָרהונדערט" אין בוענאָס־אײַרעס.

די אונטערנעמונג איז אַ המשך פֿונעם פֿאַראַיאָריקן סעמינאַר, אָרגאַניזירט פֿונעם ייִדיש־צענטער בײַם ייִדישן וועלט־קאָנגרעס. דער ציל איז געװען פֿאַרשפּרייטן און סטימולירן ייִדיש־לימוד און ייִדיש־פֿאָרשונג ספּעציעל פֿאַר די קהילות פֿון אינערן לאַנד.

איבער 100 באַטייליקטע פֿון בוענאָס־אײַרעס, לאַ־פּלאַטאַ, סאַן־כואַן, טשאַקאָ, ראָסאַריאָ, מאָזעסװיל, קאָרדאָבאַ און אַפֿילו אַ פֿאָרשטייערין פֿון מאָנטעװידעאָ (אורוגװײַ), האָבן במשך פֿון 3 טעג גענאָסן פֿון די בײַטראָגן פֿון יונגן דור און זייערע לערערס.

מוצאי־שבת האָט דער פֿאָרזיצער פֿון ייִװאָ, אָסקאַר יחזקאל האַנסמאַן דערעפֿנט דעם סעמינאַר, דערמאָנענדיק די פֿאַרבינדונגען פֿון שמואל ראָזשאַנסקי און ייִװאָ סוף 20ער יאָרן, מיט דער פּראָװינץ בײַם זאַמלען אַרכיװ־מאַטעריאַלן, װאָס באַדינען ביזן הײַנטיקן טאָג פֿאָרשערס פֿון דער גאַנצער װעלט. ראָבערטאָ בראָזטאָװסקי, פֿאָרשטייער פֿון ייִדישן װעלט־קאָנגרעס האָט אונטערגעשטראָכן די שטיצע און די טעטיקייטן פֿאַר ייִדיש, װאָס דער „ייִדיש־צענטער‟ אין װילנע פֿירט דורך במשך די לעצטע צװיי יאָר.

דער דירעקטאָר פֿון ייִװאָ האָט געהאַלטן די ערשטע לעקציע װעגן „אַן אומבאַקאַנטער שלום־עליכם‟ און אַזוי דערעפֿנט דאָס שלום־עליכם־יאָר. ער האָט דערמאָנט, װי דער פֿינאַנציעלער קריזיס פֿון דער „באַרינג־באַנק‟ אין 1890 אין לאָנדאָן האָט גורם געװען, חוץ זײַנע דורכפֿאַלן אויף דער בערזע, צו זײַן באַנקראָט. אַזוי איז אין 1892 געבוירן געװאָרן זײַן „מנחם מענדל‟ און די ערשטע בריװ האָבן דעם טיטל „לאָנדאָן‟. ער האָט רעפֿערירט װעגן זײַן שטיצע צו דעם ציוניסטישן געדאַנק, זײַן קעגנערשאַפֿט צום באַראָן הירשס פּראָיעקט אין אַרגענטינע, זײַן באַגעגעניש אויפֿן ציוניסטישן קאָנגרעס אין האַג אין 1907 מיטן ערשטן עולה פֿון אַרגענטינע און דערמאָנט איינע פֿון זײַנע אײַזנבאַן געשיכטעס, „אַ מענטש פֿון בוענאָס־אײַרעס‟. אויך זײַן פּראָיעקט װעגן ייִדישע שטומפֿילמען, נאָכן האָבן געזען טשאַרלי טשאַפּלינס פֿילמען אין 1914, זײַנען דערמאָנט געװאָרן אויף דער לעקציע. דער אָװנט איז געשלאָסן געװאָרן מיט אַ לעקציע װעגן ייִדישע װיגלידער פֿון דער אַקאַדעמישער לייטערין פֿון ייִװאָ, אסתּר שװאַרץ, פּרעכטיק אילוסטרירט מיט די לידער, װאָס די קינסטלערין רות גאָלדפֿאַרב האָט פֿירגעבראַכט.

אין נאָמען פֿונעם ייִדישן וועלט־קאָנגרעס האָט אױפֿן סעמינאַר רעפֿערירט פּראָפֿעסאָר אַבֿרהם ליכטנבױם.

זונטיק האָבן יונגע פֿאָרשערס און סטודענטן פּרעזענטירט זייערע אַרבעטן. די אַרכיװ־דירעקטאָרין פֿון ייִװאָ, סילװיאַ האַנסמאַן, האָט אַרײַנגעפֿירט די טעמע און די פּראָפֿעסאָרין פֿון בוענאָס־אײַרעסער אוניװערסיטעט שושנה סקוראַ האָט רעפֿערירט װעגן די פֿאָרשונגען אין אוניװערסיטעט. לוקאַס פֿישמאַן, אַ תּלמיד פֿון ייִװאָ, װאָס האָט געשריבן זײַן אַרבעט װעגן „מאַקס פּערעלמאַן און ייִדיש טעאַטער אין אַרגענטינע‟, האָט גערעדט װעגן דער ייִדישער לינגװיסטיק און די דיסקוסיע, צי ייִדיש איז אַ גערמאַנישע אָדער אַ סלאַװישע שפּראַך. שׂרה פּאָקראַסאַ האָט דערציילט װעגן איר דערפֿאַרונג װי אַ ייִדיש־לערערין אין אַרגענטינער חב״ד, מיט די טעקסטן, װאָס ס'האָט צוגעגרייט נחמה האַנסמאַן און דער ייִװאָ האָט אַרויסגעגעבן. הערמאַן שװאַרצבאַרד האָט דערציילט, װי אַזוי ער איז צוריקגעקומען צו דער ייִדישער שפּראַך בײַם צוגרייטן זײַנע פֿילמען װעגן ייִדישן לעבן אין אַרגענטינע און די פֿאָרשערין גבריאלה שערליס האָט דערציילט װעגן איר אַנקעטע „װער זײַנען די באַניצערס פֿון דער ייִװאָ־ביבליאָטעק און אַרכיװן פֿון אַרגענטינער ייִװאָ". דער עולם האָט פּשוט געשטוינט פֿון דעם אינטערעס פֿון יונגן דור.

ד״ר פּערלאַ סנה, שׂמחה סנהס טאָכטער, פֿון אוניװערסיטעט „טרעס דע פֿעברעראָ‟ האָט רעפֿערירט װעגן ייִדיש בעתן חורבן, און װי אַזוי די ייִדישע שפּראַך איז פֿאַרװאַנדלט געװאָרן אין אַן אינסטרומענט פֿון װידערשטאַנד.

פֿאַרנאַכט האָט מען געװיזן דעם פֿילם „די יוגנטלעכע װאָס האָבן אָפּגעראַטעװעט דעם זכּרון‟, װאָס ראָדאָלפֿאָ קאָמטע האָט פּראָדוצירט, און װאָס װײַזט װי אַזוי איבער 800 יוגנטלעכע האָבן אָפּגעראַטעװעט די אוצרות פֿון ייִװאָ נאָכן אַטענטאַט אויפֿן קהילה־בנין אין 1994. אסתּר שװאַרץ, װאָס האָט קאָאָרדינירט די עפּאָפּעע און דער רעזשיסאָר פֿון פֿילם האָבן געשמועסט מיטן עולם און קאָמענטירט זייער דערפֿאַרונג.

מאָנטיק האָבן זיך די סעסיעס אָנגעהויבן מיט אַ באַערונג פֿאַר אליהו טאָקער, אַן איבערזעצער פֿון ייִדישע פּאָעטן אויף שפּאַניש, אַ ליבהאָבער פֿון דער ייִדישער שפּראַך און פֿון ייִװאָ, װאָס איז ניפֿטר געװאָרן אין 2010. דער דאָקומענטאַרער פֿילם „לחיים‟, װאָס דערציילט װעגן זײַן לעבן און שאַפֿן איז קאָמענטירט געװאָרן פֿון אַניטאַ װײַנשטיין, דירעקטאָרין פֿון אַרגענטינער ועד הקהילות. דרײַ װאַרשטאַטן האָבן געשלאָסן דעם סעמינאַר. די ייִדיש־לערערין נחמה באַראַד האָט געאַרבעט אַד״ט „תּנאים, חתונות און ליבע אין דעם ייִדישן פֿאָלקלאָר‟, די יונגע דאָקטאָראַנטין מאַלענאַ טשינסקי האָט געאַרבעט אויף „ייִדישע שפּריכװערטער, אויסדרוקן און רעדנסאַרטן‟ אין 21סטן יאָרהונדערט; און דער קלעזמער יאָסל װאַקשטיין האָט געענטפֿערט אויף דער פֿראַגע „צי װייסט איר, װאָס איז באמת קלעזמער־מוזיק? לאָזט זיך אָפּ פֿון שװינדל…‟, און אילוסטרירט מיט זײַן קלאַרינעט די געשיכטע פֿון פֿאַרשיידענע שטיקעלעך.

אין אָװנט האָט מען געשלאָסן דעם סעמינאַר מיט אַ פּרעכטיקן קאָנצערט פֿון ייִדישע פֿאָלקסלידער, דורכגעפֿירט פֿון סולעמאַ בענװעניסטע, רות גאָלדפֿאַרב און מרים נאָװאַ, וווּ דער עולם האָט געהאַט די מעגלעכקייט מיטצוזינגען מיט זיי. פֿאַרן קאָנצערט האָט מען באַערט דעם װעטעראַן פֿון ייִדישן טעאַטער אין אַרגענטינע, מאַקס בערלינער, װאָס איז אַלט געװאָרן 97 יאָר. אַנשטאָט אַ דאַנקװאָרט האָט ער נישט גערעדט, נאָר אינטערפּרעטירט אַ פֿראַגמענט פֿון זײַן ספּעקטאַקל „שלום־עליכם, מנחם־מענדל‟.

דער סעמינאַר איז געשלאָסן געװאָרן מיטן צוזאָג צו באַנײַען דעם קאָנטאַקט מיטן ייִשובֿ פֿון אינערן פֿון לאַנד און דורכפֿירן אין די נאָענטע חדשים ייִװאָ־אַרבעט אין דער פּראָװינץ.

https://yiddish.forward.com/articles/196165/news-from-buenos-aires/?p=all#ixzz461PFOelP

Sholem Aleichem conference

נאָך פּרטים באַקומט מען אויפֿן וועבזײַטל דער בײַ דער קאָאָרדינאַטאָרין, ד״ר גלי דרוקער בר־עם, דורכן בליצפּאָסט sholemaleichem2016conference@gmail.com  

bar ilan shoa

gabirtig

El Nekamot2 WEB yidish

אין פֿאַרלויף פֿון פֿעברואַר און מערץ 2016 ווײַזט די רמת־גנער יוגנטלעכע טעאַטער־סטודיע "אימפרו" די דראַמע פֿון שלום אַש "דער גאָט פֿון נקמה" אין דער העברעיִשער איבערזעצונג.

די אויפֿפֿירונג איז פֿאַרווירקלעכט געוואָרן אַ דאַנק דער שטיצע פֿון דער נאַציאָנאַלער אינסטאַנץ פֿאַר ייִדישער קולטור. זעט די פּרטים וועגן דער סטודיע אויף איר וועבזײַטל.

megila manger

מיטוואָך, דעם 21סטן מערץ 2016, צווישו 9:00 און 20:00 אַ זייגער, אינעם לאָקאַל פֿון דער ייִדישער ירושה א"ן פֿון צימבאַליסטאַ וועט פֿאָרקומען אַ וויסנשאַפֿטלעך־קינסטלערישער צוזאַמענפֿאָר געװידמעט דעם 50סטן יובֿל זינט דער פּובליקאַציע פֿון א. מאַנגערס לידער־ציקל ״מגילת־איציק״.

דער לאָקאַל געפֿינט זיך אויפֿן תּחום פֿונעם תּל־אָבֿיבֿער אוניװערסיטעט. דעם פֿאָרזיץ וועט פֿירן יאיר ליפֿשיץ פֿון דער טעאַטער־קאַטעדרע פֿון דעם־אָ אוניװערסיטעט.

תּל־אבֿיבֿער אוניווערסיטעט, העברעיִשער אוניווערסיטעט אין ירושלים און בן־גוריון־אוניווערסיטעט אין באר־שבֿע לייגן פֿאָר אַ קאָמבינירטן צווישן־אוניווערסיטעטן־פּראָגראַם פֿון לימודים פֿאַרן צווייטן אַקאַדעמישן גראַד אויפֿן געביט פֿון דער ייִדישער ליטעראַטור.

beyn universitai

levinsky tarbut

בלויז עטלעכע פּלעצער זענען געבליבן אויפֿן קורס "יידיש כתפיסת עולם" (ייִדיש אַלס וועלט־אָנשויונג), וועלכער דערעפֿנט זיך דעם 7טן מערץ 2016 אינעם קאָלעדזש א"ן פֿון לעווינסקי (שושנה־פּערסיץ־גאַס 15, תּל־אבֿיבֿ). פּרטים און רעגיסטראַציע דאָ.

דעם 7טן מערץ 2016 אינעם ייִדיש־צענטער פֿונעם פּעדאַגאָגישן קאָלעדזש א"ן פֿון לעווינסקי (שושנה־פּערסיץ־גאַס 15, תּל־אבֿיבֿ) הײבט זיך אָן אַ קורס "ייִדיש אַלס וועלט־אָנשויונג".

דער לעקטאָר איז יעד בירן, וועגווײַזער און פֿאָרשער פֿון ייִדישער קולטור. דער קורס באַשטייט פֿון 8 צוויי־שעהיקע באַגעגענישן. מער פּרטים דאָ.

w a

דאָנערשטיק, דעם 25סטן פֿעברואַר 2016, 16:30 אַ זייגער אינעם קולטור־פּאַלאַץ פֿון ראשון־לציון (זשאַבאָטינסקי־גאַס 16, היכל־התרבות) וועט פֿאָרקומען אַ געזעלשאַפֿטלעכער צוזאַמענפֿאָר, געווידמעט דעם 100סטן יאָרצײַט פֿונעם קלאַסיקער פֿון ייִדישער ליטעראַטור שלום־עליכם.

דעם פֿאָרזיץ וועט פֿירן דער שרײַבער און איבערזעצער בני מר. צווישן די אָנטיילנעמערס: לעקטאָרין פֿון מאָדערנער ייִדישער ליטעראַטור ד"ר גלי דרוקער בר־עם; שרײַבער און ליטעראַטור־פֿאָרשער ד"ר מתן חרמוני; שרײַבער דרור בורשטיין; זינגערין אסתּי ניסים סווידענסקי; אַקטיאָר מנדי כּהנא. אַרײַנגאַנג פֿרײַ.