נאַציאָנאַלע אינסטאַנץ פֿאַר ייִדישער קולטור

מחמת דער קאָראָנאַװירוס־עפּידעמיע װערן אַלע אימפּרעזעס פֿון דער אינסטאַנץ אָפּגעשאַפֿן אָדער אָפּגעלײגט ביז דער ספעציִעלער מעלדונג. מיר ווינטשן אײַך געזונט

27.2.2020 פֿאָרשטעלונג פֿון די תּלמידות פֿון דער ״פּלך״־גימנאַזיע אין ירושלים

oreme freylekhe

תּל־אָבֿיבֿ, 19.11.2019. די צוטיילונג פֿון די ערנפּרײַזן פֿאַר ייִדישער קולטור

19esterrojansky

די לערערין אסתּר ראָזשאַנסקי באַקומט דעם פּרײַז

19rivkareich

די לערערין רבֿקה רײַך באַקומט דעם פּרײַז

19annabellamiri

מירי יעקבֿ, די טאָכטער פֿון דער אַקטריסע אַנאַבעלאַ יעקבֿ ע"ה, באַקומט דעם פּרײַז, וואָס איז צוגעטיילט געוואָרן איר מאַמען

19etlniborsky

.עטל ניבאָרסקי, די מחברטע פֿון דער דערציילונג „בריוו צו אַ בלינדן זיידן‟, באַקומט דעם ערשטן פּרײַז פֿונעם דערציילונג־קאָנקורס ‎

לייענט אויך דעם אַרטיקל וועגן דעם קאָנקורס אין דער צײַטונג "פֿאָרווערטס"

19shirishapira

שירי שפּירא, די מחברטע פֿון דער דערציילונג „דרײַ אלמנות‟. באַקומט דעם צווייטן פּרײַז פֿונעם דערציילונג־קאָנקורס ‎

19rafihelf

רפֿאל האַלף, דער מחבר פֿון דער דערציילונג „אַ בריוו דער פּאָסט‟, באַקומט דעם דריטן פּרײַז פֿונעם דערציילונג־קאָנקורס‎

19chayalivni

די פֿידלערין חיה ליבֿני

19dianazingerman

די זינגערין דיאַנע זינגערמאַן

19maximlevinsky

דער זינגער מאַקסים לעווינסקי;

די באַגלייטערין בײַ דער פּיאַנע - רעגינע דריקער

19laxeden

די זינגערין חן לאַקס און איר תּלמידה עדן

glatshteyn

יעקבֿ גלאַטשטיין

רעד צו מיר ייִדיש

רעד צו מיר ייִדיש, מײַן ייִדיש לאַנד.
און איך וועל צו דיר רעדן עבֿרית ממילא.
אַבֿרהם מיט שׂרהן קומען מיר אַנטקעגן
פֿון דער מערת־המכפּלה.

לייענען מער

דינסטיק, דעם 23טן יוני 2020, 19:30 אַ זייגער, אינעם שלום־עליכם־הויז (בערקאָוויטש־גאַס 4, תּל־אָבֿיבֿ) וועט פֿאָרקומען אַ קאָנצערט פֿון די תּלמידים פֿון דער קונסט־סטודיע, געגרינדעט פֿון נחמה ליפֿשיץ ע"ה. בײַם קלאַוויר – דירעקטאָרין פֿון דער סטודיע, רעגינאַ דריקער. די אימפּרעזע ווערט אָרגאַניזירט אונטערן פּאַטראָנאַזש פֿונעם שלום־עליכם־הויז און דער אינסטאַנץ. פּרטים באַקומט מען דורכן טעלעפֿאָן 052-7046640

sadna 2020

די לאַורעאַטן פֿון די ערנפּרײַזן פֿון דער אינסטאַנץ אויפֿן געביט פֿון מוזיק פֿאַר דעם יאָר 2020

fisher

דודו פֿישער – זינגער, אַקטיאָר און חזן

galay

דניאל גלאי – קאָמפּאָזיטאָר

אינעם חודש מערץ זײַנען געבוירן געוואָרן די פֿאָלגנדע פּערזענלעכקייטן פֿון דער ייִדישער קולטור:

שלום־עליכם (שלום־יעקבֿ ראַבינאָוויטש; 2.03.1859, פּערעיאַסלעוו, איצט אוקראַיִנע – 13.05.1916, ניו־יאָרק) – דער גרעסטער קלאַסיקער פֿון דער ייִדישער ליטעראַטור.

אסתּר־רחל קאַמינסקע (10.03.1868, פּאָרוזעווע, איצט ווײַסרוסלאַנד – 27.12.1925, וואַרשע) – אַ גרױסע אַקטריסע און טעאַטער־טוערין, ״די מאַמע פֿונעם ייִדישן טעאַטער״.

שלמה מיכאָעלס (וואָווסי; 16.03.1890, דענענבורג, איצט דאַוגאַוופּילס, לעטלאַנד – 13.01.1948, מינסק) – דער גרעסטער אַקטיאָר און רעזשיסאָר פֿונעם ייִדישן טעאַטער.

משה קולבאַק (20.03.1896, סמאָרגאָן, איצט ווײַסרוסלאַנד – 28.10.1937, מינסק) – באַרימטער דיכטער, דראַמאַטורג, מחבר פֿונעם ראָמאַן "זעלמעניאַנער".

ישׂראל אַקסענפֿעלד (מערץ 1787, נעמיראָוו, איצט אוקראַיִנע – זומער 1866, פּאַריז) – פּראָזאַיִקער פֿון דער השׂכּלה־תּקופֿה, מחבר פֿון די ראָמאַנען "דער שטערנטיכל" און "דער ערשטער ייִדישער רעקרוט".

בערל בראָדער (מאַרגוליס; מערץ 1815, בראָד, איצט אוקראַיִנע – 1868, קאַרלסבאַד, איצט קאַרלאָווי וואַרי, טשעכײַ) – פֿאָלקסזינגער, גרונטלייגער פֿון דער כאַליאַסטרע "בראָדער זינגער", וועלכע פֿלעגן אומפֿאָרן אַרום גאַליציע און רומעניע.

דעם 24סטן מערץ 1925 איז אין ווילנע געגרינדעט געוואָרן ייִוו"אָ (ייִדישער װיסנשאַפֿטלעכער אינסטיטוט). זינט 1940 געפֿינט ער זיך אין ניו־יאָרק.

ראַדיאָ־אוידיציע אונטערגעשטיצט פֿון דער אינסטאַנץ – אויך אויף דער אינטערנעץ

די וואָכנטלעכע ראַדיאָ־אוידיציע, אונטערגעשטיצט פֿון דער נאַציאָנאַלער אינסטאַנץ פֿאַר ייִדישער קולטור, ווערט טראַנסלירט: יעדן פֿרײַטיק 14:00 אַ זייגער אויף די פֿרעקווענצן 105.3 און FM 104.9; יעדן פֿרײַטיק 16:00 אַ זײגער און אַלע מוצאי־שבת 22:00 אַ זייגער אױף 100.3, 100.5 און 101.3 FM (רק"ע).

אַ חוץ דעם, די דאָזיקע אוידיציע קאָן מען הערן אויף דער אינטערנעץ: קוועטשט אָן אויף דער פֿאַרבינדונג. הערט צו, האָט הנאה און שיקט אונדז אײַערע אָפּקלאַנגען!

נײַע ביכער, אַרויסגעגעבענע מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור

books2018

אין יוני 2019 איז אין ווילנע פֿאָרגעקומען אַ סעמינאַר װעגן דער ייִדישער קולטור פֿאַר 15 ישׂראלדיקע סטודענטן, װעלכע ספּעציאַליזירן זיך אין דעם געביט. די אימפּרעזע איז אָרגאַניזירט געוואָרן פֿון דער נאַציאָנאַלער אינסטאַנץ פֿאַר ייִדישער קולטור בשותּפֿות מיטן אינטערנאַציאָנאַלן ייִדיש־צענטער בײַם ייִדישן וועלט־קאָנגרעס
vilnius2019

די נאַציאָנאַלע אינסטאַנץ פֿאַר ייִדישער קולטור איז געגרינדעט געװאָרן אינעם יאָר 1996 לױטן באַשלוס פֿונעם כּנסת, װעלכער האָט אָנגענומען דעם געזעץ וועגן דער נאַציאָנאַלער אינסטאַנץ פֿאַר ייִדישער קולטור.

די אינסטאַנץ איז באַשעפֿטיקט, צווישן אַנדערן, מיט די קומענדיקע אויפֿגאַבעס:

* באַקענען די ישׂראלדיקע געזעלשאַפֿט מיט דער ייִדישער קולטור אין אַלע אירע פֿאָרמען;
* שטיצן די פֿאָרשונגען אױפֿן געביט פֿון דער ייִדישער קולטור;
* פֿאַרברייטערן און פֿאַרבעסערן דעם אונטערריכט פֿון דער ייִדישער שפּראַך און ליטעראַטור;
* דערמוטיקן די קינסטלערישע שאַפֿונגען אויף ייִדיש;
* זאַמלען, דאָקומענטירן און קאַטאַלאָגיזירן די אוצרות פֿון דער ייִדישער קולטור;
* פֿאַרעפֿנטלעכן די בולטע ווערק פֿון דער ייִדישער ליטעראַטור סײַ אינעם מקור, סײַ אין דער העברעיִשער איבערזעצונג;
* מיטאַרבעטן מיט באַקאַנטע ייִדישע קולטור־אַנשטאַלטן אין אויסלאַנד;
* איבערגעבן די ייִדישע קולטור־טראַדיציע די קינפֿטיקע דורות.

לייענט די אַרטיקלען וועגן אונדזער טעטיקייט, וואָס זענען פּובליקירט געוואָרן אין דער צײַטונג "פֿאָרווערטס" דעם 21סטן אויגוסט 2015 און דעם 10טן יאַנואַר 2016