seker

FaceBook

קאָנטאַקט־פֿאָרמולאַר

לייענזאַל

olam kria

נייַעס

קולטור־קאַלענדאַר אױף אַפּריל אינעם חודש אַפּריל איז געבוירן געוואָרן אַ רײ באַרימטע פּערזענלעכקייטן פֿון דער ייִדישער קולטור:...
אַ קראַנץ אין "יד־ושם" אין אָנדענק פֿון די חורבן־קדושים דעם 21טן אַפּריל 2020 האָט דער דעלעגאַט פֿון דער נאַציאָנאַלער אינסטאַנץ פֿאַר ייִדישער קולטור...
קולטור־קאַלענדאַר אויף מערץ אינעם חודש מערץ זײַנען געבוירן געוואָרן די פֿאָלגנדע באַרימטע פּערזענלעכקייטן פֿון דער ייִדישער קולטור:...
דער קאָראָנאַװירוס־גלאָסאַר פֿון דער ייִדיש־ליגע coronavirus pandemic די קאָראָ֜נאַ־ווי֜רוס־פּאַנדעמיע [DI KORÓNA-VÍRUS-PANDÉMYE]containment zone די אײַ֜נהאַלט־<אײַ֜נצאַם־>זאָ֜נע, ־ס[DI ÁYNHALT-<ÁYNTSAM->ZÓNE, -S] cordon off...
אָפּשאַפֿונג פֿון אונדזערע אימפּרעזעס מחמת דער קאָראָנאַװירוס־עפּידעמיע װערן אַלע אימפּרעזעס פֿון דער אינסטאַנץ אָפּגעשאַפֿן אָדער אָפּגעלײגט ביז דער ספעציִעלער מעלדונג....
23.6 תּלמידים פֿון נ. ליפֿשיץ זינגען אין תּל־אָבֿיבֿ דינסטיק, דעם 23טן יוני 2020 (די דאַטע האָט זיך געענדערט), 19:30 אַ זייגער, אינעם...
14.5 קאָנצערט פֿון מיכאל גײַסינסקי אין ירושלים דאָנערשטיק, דעם 14טן מאַי 2020, 10:45 אַ זייגער, אינעם ירושלימער קהילה־צענטער "גינות־העיר" (עמק־רפֿאים־גאַס 12) וועט...
רייזל טערנערס מאַגיסטער־אַרבעט געשטיצט פֿון דער אינסטאַנץ שוין אין משך פֿון 6 יאָר טיילט די נאַציאָנאַלע אינסטאַנץ פֿאַר ייִדישער קולטור צו...
20.4 פֿאָרשטעלונג פֿון לענאַ סאָקאָלאָוו אין חדרה מאָנטיק, דעם 20סטן אַפּריל 2020, 17:00 אַ זייגער, אין דער חדרהר געזעלשאַפֿט פֿאַר ייִדיש...
12.3 כאָר־געזאנג אין תּל־אָבֿיבֿ מיט שמוליק נאַדל דאָנערשטיק, דעם 12טן מערץ 2020, 10:00 אַ זייגער, אינעם קלוב "עמך" אין תּל־אָבֿיבֿ װעט פֿאָרקומען אַ...
3.3 קאָנצערט פֿונעם זינגערס־דועט אין באר־שבֿע דינסטיק, דעם 3טן מערץ 2020, 16:00 אַ זייגער, אינעם קלוב "עמך" אין באר־שבֿע װעט פֿאָרקומען אַ...
11.6 אַל־ישׂראלדיקער פֿעסטיװאַל פֿון ייִדישע כאָרן אין אַשקלון דאָנערשטיק, דעם 11טן יוני 2020, אין אַשקלון וועט צום 24סטן מאָל פֿאָרקומען דער...
דער ייִדיש־קלוב אין רעננה האָט געענדערט זײַן אַדרעס דער ייִדיש־קלוב אין רעננה האָט געענדערט זײַן אַדרעס. איצט געפֿינט ער זיך אינעם קולטור־צענטער...

װירטועלע קלאַװיאַטור


klaviatura

 


hadashot iruim

כּדי צו זען דעם פֿולן טעקסט, קוועטשט אָן דאָ

שוין אין משך פֿון 4 יאָר טיילט די נאַציאָנאַלע אינסטאַנץ פֿאַר ייִדישער קולטור צו סטיפּענדיעס די סטודענטן פֿון צווייטן און דריטן לערנגראַד, װעלכע אַרבעטן איבער די פֿאָרשונגען אָדער דיסערטאַציעס אױפֿן געביט פֿון דער ייִדישער שפּראַך און קולטור.

איצט פּובליקירן מיר די מאַגיסטער־אַרבעט, צוגעגרייט פֿון אונדזער סטיפּענדיאַט יצחק פֿוקס פֿון תּל־אָבֿיבֿער אוניווערסיטעט. די טעמע איז "מעדיצינישע זשורנאַלן אויף ייִדיש אין מזרח־אייראָפּע". כּדי צו זען דעם פֿולן טעקסט, קוועטשט אָן דאָ.

אינעם חודש יולי 2018סטן יאָר וועט אין תּל־אָבֿיבֿער אוניווערסיטעט פֿאָרקומען דער יערלעכער ייִדישער שפּראַך־קורס אויפֿן נאָמען פֿון נעמי פּראַווער־קאַדאַר.

praver.he

 

praver.en

פֿון סוף מאַי ביזן סוף יוני 2018 וועט אין ירושלים און אין ווילנע פֿאָרקומען אַ סעמינאַר וועגן דער ייִדישער קולטור "ירושלים דליטא", אָרגאַניזירט פֿונעם מעמאָריאַל־צענטער "יד־ושם" בשותּפֿות מיטן אינטערנאַציאָנאַלן ייִדיש־צענטער בײַם ייִדישן וועלט־קאָנגרעס.

די אָפּטיילונג פֿאַר פֿאַראייביקונג און קהלישע פֿאַרבינדונגען פֿונעם "יד־ושם" לאַדט אײַך אײַן צו דער דאָזיקער פֿאַרכאַפּנדיקער אימפּרעזע. מער פּרטים קאָן מען באַקומען אויפֿן וועבזײַטל.

דער ישׂראלדיקער פֿאַראיין פֿון קאַריקאַטורן־ און קאָמיקסן־שעפֿערס, מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור, לאַדט אײַן די קינסטלערס צו באַטייליקן זיך אין דער קינפֿטיקער אויסשטעלונג פֿון קאַריקאַטורן און קאָמיקסן "ייִדישפּיץ!".

עס וועלן אָנגענומען ווערן שאַפֿונגען, וועלכע דריקן אויס אַ שאַרפֿזיניקע הײַנטצײַטיקע באַנעמונג פֿון יצירות און געשטאַלטן פֿון ייִדישע ליטעראַטור, טעאַטער און פֿאָלקלאָר. די אויסגעוויילטע װערק וועלן פּובליקירט ווערן אין אַ צוויישפּראַכיקן קאַטאַלאָג (ייִדיש/העברעיִש).

מאָנטיק, דעם 9טן אַפּריל 2018, 20:00 אַ זייגער, אינעם אורי־צבֿי־גרינבערג־הויז (יפֿו־גאַס 34 ירושלים) וועט פֿאָרקומען אַ מוזיקאַליש־דראַמאַטישע פֿאָרשטעלונג פֿון רות לעווין נאָך אַבֿרהם סוצקעווערס דערציילונג "יאַנינאַ און די חיה", געווידמעט די טראַגישע געשעענישן אין דער ווילנער געטאָ. 

דער פּרײַז איז סימבאָליש: 20 שקלים.

yanina2018 page 001

די צוויישפּראַכיקע לידער־זאַמלונגען "כּלת־בראשית און אַנדערע לידער" פֿון חיקע ברוריה װיגאַנד (די זעלביקע יצירות דערשײַנען אין איינעם אַ בוך פּאַראַלעל אויף ייִדיש און אױף העברעיִש, אין אַן אנדערן - אויף ייִדיש און ענגליש) זײַנען פֿאַרעפֿנטלעכט געוואָרן אינעם יאָר 2018 אין תּל־אָבֿיבֿ, אינעם ה. לייוויק־פֿאַרלאַג, מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור.

כּדי צו לייענען די ביכער אַױפֿן קאָמפּיוטער־עקראַן, קוועטשט אָן: ייִדיש/העברעיִש; ייִדיש/ענגליש.

די לידער־זאַמלונג "ירושה" פֿון קרן אלקלעי־גוט אויף ייִדיש און אױף העברעיִש (פּאַראַלעלע טעקסטן) איז פֿאַרעפֿנטלעכט געוואָרן אינעם יאָר 2018 אין תּל־אָבֿיבֿ, אינעם ה. לייוויק־פֿאַרלאַג, מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור.

כּדי צו לייענען דאָס בוך אַױפֿן קאָמפּיוטער־עקראַן, קוועטשט דאָ אָן.

פֿונעם 6טן ביזן 10טן אויגוסט 2018 וועט אין טשערנאָוויץ (הײַנט אוקראַיִנע) פֿאָרקומען אַ וויסנשאַפֿטלעכע קאָנפֿערענץ וועגן ייִדישער שפּראַך און קולטור. זי ווערט אָרגאַניזירט אין דער זעלבער שטאָט וווּ אינעם יאָר 1908 איז פֿאָרגעקומען די היסטאָרישע טשערנאָוויצער קאָנפֿערענץ פֿאַר דער ייִדישער שפּראַך.

czernowitz conference

כּדי אויסצוקלערן די פּרטים, קוועטשט דאָ אָן.

דאָס בוך אויף העברעיִש וועגן ייִדיש "צימוקים ושקדים" (ראָזשינקעס מיט מאַנדלען) איז דערשינען אינעם פֿאַרלאַג "ידיעות אחרונות" מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור.

די דאָזיקע זאַמלונג פֿון די "פּערל" פֿון דער ייִדישער ליטעראַטור און פֿאָלקלאָר איז צונויפֿגעשטעלט, איבערגעזעצט און קאָמענטירט פֿון בלהה רובינשטיין.

אַ נײַ בוך פֿון מיכאל פֿעלזענבאַום "ביאָגראַפֿיע פֿון אַ סענטימענטאַלער לבֿנה" איז אַרױס מיט דער הילף פֿון דער נאַציאָנאַלער אינסטאַנץ פֿאַר ייִדישער קולטור.

דאָס בוך "טעאַטראַלישע הומאָרעסקעס" פֿון רזיה אָדם איז דערשינען אין תּל־אָבֿיבֿ, אינעם ה. לייוויק־פֿאַרלאַג, מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור.

כּדי צו לייענען דאָס בוך אַױפֿן קאָמפּיוטער־עקראַן, קוועטשט אָן דאָ.

דאָס איז אַן אַרטיקל װעגן דער שױשפּילערין ליאַ קעניג (די לאַורעאַטין פֿונעם פּרײַז פֿון דער נאַציאָנאַלער אינסטאַנץ פֿאַר ייִדישער קולטור) אין דער צײַטונג "כּלכּליסט" פֿונעם 26סטן נאָװעמבער 2017

kenig1lir

kenig2lir

bar

luden

דער ייִדישער זשורנאַליסט און שריפֿטשטעלער יצחק לודען איז נפֿטר געוואָרן דעם 4טן נאָוועמבער 2017 אין עלטער פֿון 95 יאָר.

ער איז זוכה געװען צום פּרײַז פֿאַרן לעבנסװעג פֿון דער נאַציאָנאַלער אינסטאַנץ פֿאַר ייִדישער קולטור אין יאָר 2016.

 כּבֿוד זײַן אָנדענק!

אַן אָנדענק־אַקאַדעמיע וועט פֿאָרקומען פֿרײַטיק, דעם 10טן נאָוועמבער, 11:00 אַ זייגער אין דער פֿרי, אין אַרבעטער־רינג, אױף קאַלישער־גאַס 48 ת"א, טעל. 03-5176764.

די משפּחה זיצט שבֿעה זינט 06.11.2017 אין דער היים אויף עמישבֿ־גאַס 71 גבֿעתיים צווישן די שעהן 13:00-10:00 און 21:00-17:00.

 

poster

אינעם לערניאָר 2018-2017, פֿונעם 7טן נאָוועמבער 2017 ביזן 29סטן מאי 2018, וועט תּל־אָבֿיבֿער אוניווערסיטעט דורכפֿירן אַ ציקל לעקציעס אױף העברעיִש וועגן די קולטורן, וואָס זײַנען באַשאַפֿן געוואָרן אויף די שפּראַכן ייִדיש און לאַדינאָ (דשודעזמאָ, דשודעאָ־ספּאַניאָל).

די באַגעגענישן וועלן פֿאָרקומען אַלע דינסטיק צווישן 18:15 און 19:45 אַ זייגער אינעם זאַל "פֿאַסטליכט". זעט די גענויע פּראָגראַם און נאָך פרטים אויף דער בײַגעלײגטער אַפֿישע.

זיך פֿאַרשרײַבן קאָן מען דורכן טעלעפֿאָן 03-6405400. די פֿרײַנד פֿון דער אינסטאַנץ קאָנען באַקומען אַ ראַבאַט פֿאָרשטעלנדיק דעם קאָד 1001.

motkeganev

אין אָקטאָבער - דעצעמבער 2017 ווײַזט תּל־אָבֿיבֿער טעאַטער "בית־ליסין" די פֿאָרשטעלונג "מלך הכלבים" ("דער מלך פֿון הינט"), באַזירט אויף שלום אַשס ראָמאַן "מאָטקע גנבֿ". רעזשיסאָר – עירד רובינשטיין.

די ספּעקטאַקלען קומען פֿאָר אינעם ארץ־ישׂראל־מוזיי אין רמת־אָבֿיבֿ. זעט די גענויע רשימה אויפֿן וועבזײַטל פֿונעם טעאַטער. די בילעטן קאָן מען באַשטעלן דורכן טעלעפֿאָן 03-7255333, אָנווײַזנדיק דעם קאָד פֿון דער אַקציע: 5680, וואָס דערמעגלעכט צו באַקומען אַ וועזענטלעכן ראַבאַט: 69 שקלים אָנשטאָט 200-220.

bleyvik12aug

garazh

אינעם יאָר 2017 אין "ה. לײװיק־פֿאַרלאַג", מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור, איז אַרויס אַ צוויי־שפּראַכיק (ייִדיש/העברעיִש) בוך "דרײַ פּיעסעס" / "שלושה מחזות" פֿון דניאל גלאַי.

קוועטשט דאָ אָן כּדי צו זען די אויסגאַבע.

arye london

דער ייִדישער זשורנאַליסט און פּעדאַגאָג אַריה (לייב) לאָנדאָן איז נפֿטר געוואָרן פֿונעם ראַק (קאַנצער) אין עלטער פֿון 71 יאָר.

אַריה איז געבוירן געוואָרן אינעם יאָר 1946 אין ווילנע, פֿאַרענדיקט סאַנקט־פּעטערבורגער אוניווערסיטעט, איז עולה געווען און אין משך פֿון צענדליקער יאָרן האָט געאַרבעט אין ייִדיש־רעדאַקציע פֿון דער ראַדיאָ־סטאַנציע "קול־ישׂראל". ער האָט אויך פֿארפֿאַסט לערן־מאַטעריאַלן און געפֿירט קורסן פֿון דער ייִדישער שפּראַך.

די לווייה וועט פֿאָרקומען דאָנערשטיק, דעם 1טן יוני, 14:00 אַ זייגער אויפֿן בית-עולם "פּרדס־חיים" אין כּפֿר־סבא.

bern

אינעם יאָר 2017 מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור איז אַרויס אַ בוך מיט זיבן נאָװעלעס פֿונעם פּראָפֿעסאָר פֿונעם בר־אילן־אוניווערסיטעט בערל קאָטלערמאַן "דער סוד פֿון װײַסע בערן".

דאָס בוך איז אַ טייל פֿון דער סעריע "ביבליאָטעק פֿון דער הײַנטצײַטיקער ייִדישער ליטעראַטור". קוועטשט דאָ אָן כּדי צו זען די אויסגאַבע.