seker

FaceBook

קאָנטאַקט־פֿאָרמולאַר

לייענזאַל

olam kria

נייַעס

קולטור־קאַלענדאַר אױף אַפּריל אינעם חודש אַפּריל איז געבוירן געוואָרן אַ רײ באַרימטע פּערזענלעכקייטן פֿון דער ייִדישער קולטור:...
אַ קראַנץ אין "יד־ושם" אין אָנדענק פֿון די חורבן־קדושים דעם 21טן אַפּריל 2020 האָט דער דעלעגאַט פֿון דער נאַציאָנאַלער אינסטאַנץ פֿאַר ייִדישער קולטור...
קולטור־קאַלענדאַר אויף מערץ אינעם חודש מערץ זײַנען געבוירן געוואָרן די פֿאָלגנדע באַרימטע פּערזענלעכקייטן פֿון דער ייִדישער קולטור:...
דער קאָראָנאַװירוס־גלאָסאַר פֿון דער ייִדיש־ליגע coronavirus pandemic די קאָראָ֜נאַ־ווי֜רוס־פּאַנדעמיע [DI KORÓNA-VÍRUS-PANDÉMYE]containment zone די אײַ֜נהאַלט־<אײַ֜נצאַם־>זאָ֜נע, ־ס[DI ÁYNHALT-<ÁYNTSAM->ZÓNE, -S] cordon off...
אָפּשאַפֿונג פֿון אונדזערע אימפּרעזעס מחמת דער קאָראָנאַװירוס־עפּידעמיע װערן אַלע אימפּרעזעס פֿון דער אינסטאַנץ אָפּגעשאַפֿן אָדער אָפּגעלײגט ביז דער ספעציִעלער מעלדונג....
23.6 תּלמידים פֿון נ. ליפֿשיץ זינגען אין תּל־אָבֿיבֿ דינסטיק, דעם 23טן יוני 2020 (די דאַטע האָט זיך געענדערט), 19:30 אַ זייגער, אינעם...
14.5 קאָנצערט פֿון מיכאל גײַסינסקי אין ירושלים דאָנערשטיק, דעם 14טן מאַי 2020, 10:45 אַ זייגער, אינעם ירושלימער קהילה־צענטער "גינות־העיר" (עמק־רפֿאים־גאַס 12) וועט...
רייזל טערנערס מאַגיסטער־אַרבעט געשטיצט פֿון דער אינסטאַנץ שוין אין משך פֿון 6 יאָר טיילט די נאַציאָנאַלע אינסטאַנץ פֿאַר ייִדישער קולטור צו...
20.4 פֿאָרשטעלונג פֿון לענאַ סאָקאָלאָוו אין חדרה מאָנטיק, דעם 20סטן אַפּריל 2020, 17:00 אַ זייגער, אין דער חדרהר געזעלשאַפֿט פֿאַר ייִדיש...
12.3 כאָר־געזאנג אין תּל־אָבֿיבֿ מיט שמוליק נאַדל דאָנערשטיק, דעם 12טן מערץ 2020, 10:00 אַ זייגער, אינעם קלוב "עמך" אין תּל־אָבֿיבֿ װעט פֿאָרקומען אַ...
3.3 קאָנצערט פֿונעם זינגערס־דועט אין באר־שבֿע דינסטיק, דעם 3טן מערץ 2020, 16:00 אַ זייגער, אינעם קלוב "עמך" אין באר־שבֿע װעט פֿאָרקומען אַ...
11.6 אַל־ישׂראלדיקער פֿעסטיװאַל פֿון ייִדישע כאָרן אין אַשקלון דאָנערשטיק, דעם 11טן יוני 2020, אין אַשקלון וועט צום 24סטן מאָל פֿאָרקומען דער...
דער ייִדיש־קלוב אין רעננה האָט געענדערט זײַן אַדרעס דער ייִדיש־קלוב אין רעננה האָט געענדערט זײַן אַדרעס. איצט געפֿינט ער זיך אינעם קולטור־צענטער...

װירטועלע קלאַװיאַטור


klaviatura

 


hadashot iruim

זומער 2016 אויף דרײַ קאָנטינענטן וועלן פֿאָרקומען קורסן פֿון ייִדישער שפּראַך און קולטור. זייער געאָגראַפֿיע איז כּולל תּל־אָבֿיבֿ, ווילנע, וואַרשע, לובלין, ווײַמאַר, שטראַסבורג, לאָנדאָן, ניו־יאָרק, "די ייִדיש־פֿאַרם" אין גושן (דער שטאַט ניו־יאָרק), אַמהערסט (מאַסאַטשוסעטס) און לאָס־אַנדזשעלעס.

די אויספֿירלעכע אינפֿאָרמאַציע קאָן מען באַקוקן אויפֿן וועבזײַטל.

מאָנטיק און מיטוואָך, דעם 25סטן און דעם 27סטן יאַנואַר 2016, 20:30 אַ זייגער, פֿירט דער אָרקעסטער "סימפֿאָנעט־רעננה" אויס די יצירה פֿון דער קאָמפּאָזיטאָרין אלה מילך־שעריף "חצאי־טונים" (האַלבטענער), וועלכע באַזירט זיך אויף אַ ציקל לידער פֿון דער ייִדישער דיכטערין ביילע שעכטער־גאָטעסמאַן.

די מוזיקאַלישע יצירה פֿאַר אַן אָרקעסטער און אַ װאָקאַליסטין, וואָס איז געשאַפֿן געוואָרן מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור, איז אַ טייל פֿונעם קאָנצערט "עבר והווה נפגשים" (פֿאַרגאַנגענהײט און קעגנװאַרט באַגעגענען זיך).

 דער דיריגענט: עומר ולבר. די סאָליסטן: סערגיי קרילאָוו (פֿידל) און לויִזאַ ליין (געזאַנג). אַדרעס פֿונעם קאָנצערט־זאַל "המשכן למוסיקה ואמנויות": הפּלמ"ח־גאַס 2א', רעננה. נאָך פּרטים באַקומט מען דורכן טעלעפֿאָן 09-7457773.

דאָנערשטיק, דעם 21סטן יאַנואַר 2016, 19:00 אַ זייגער אינעם קרײַז פֿאַר ייִדישער קולטור אין נתּניה און אומגעגנט (דוד־צענטער, אחימאיר־גאַס 9 נתּניה) וועט פֿאָרקומען אַ לעקציע פֿון לייבל באָטוויניק וועגן דעם קלאַסיקער פֿון דער ייִדישער ליטעראַטור יצחק־לייבוש פּרץ.

נאָך פּרטים באַקומט מען דורך די טעלעפֿאָנען 09-8826332, 054-5377729  אָדער בליצפּאָסט leybl_botwinik@yahoo.com

מיטוואָך, דעם 6טן יאַנואַר 2016, 11:30 אַ זייגער אינעם לאָקאַל פֿונעם "אַרבעטער־רינג" (קאַלישער־גאַס 48, תּל־אָבֿיבֿ) איז פֿאָרגעקומען אַ לעקציע פֿון ד"ר לאה איילון וועגן שירה גאָרשמאַנס בוך "אין די שפּורן פֿון גדוד העבֿודה".

אינעם קינסטלערישן איז אויפֿגעטראָטן דער זינגער מאַקסים לעווינסקי מיט דער פּיאַנע־באַגלייטונג פֿון רעגינאַ דריקער.מער פּרטים באַקומט מען דורכן טעלעפֿאָן 03-5176764.

דאָנערשטיק, דעם 7טן יאַנואַר 2016, 10:45 אַ זייגער, אינעם ירושלימער קהילה־צענטער "גינות העיר" (עמק־רפֿאים־גאַס 12) איז פֿאָרגעקומען אַ לעקציע פֿון פּראָפֿ' חווה טורניאַנסקי אויף דער טעמע: "גליקעל – זכרונות פֿון דער ייִדישער פֿרוי פֿונעם 17טן יאָרהונדערט".

די אימפּרעזע איז אָרגאַניזירט געוואָרן אונטערן פּאַטראָנאַזש פֿון דער נאַציאָנאַלער אינסטאַנץ פֿאַר ייִדישער קולטור. נאָך פּרטים באַקומט מען בײַ עליזה ירדן דורכן טעלעפֿאָן 054-6650183.

מאָנטיק, דעם 28סטן דעצעמבער 2015, 19:30 אַ זייגער אינעם קהילה־צענטער "עולמות" (שלעזינגער־גאַס 10, פּתח־תקווה) וועט פֿאָרקומען אַ לעקציע פֿון ד"ר מרדכי יושקאָווסקי אויף דער טעמע "שלום־עליכמס יוגנטלעכע ראָמאַנען" פֿונעם ציקל "ייִדיש אויף דער שפּיץ צונג". מער פּרטים באַקומט מען דורכן טעלעפֿאָן 03-9233280.

דעם זעלבן טאָג אין דער זעלבער שטאָט, 20:00 אַ זייגער, אינעם לאָקאַל "אַבֿרהם־שפּירא־הויז" (הערצל־גאַס 20) הייבט זיך אָן אַן אָוונט פֿון ייִדישע לידער "לאָמיר אַלע זינגען!"מיט קובי לוריא.פּרטים דורכן טעלעפֿאָן 03-9052349.

מאָנטיק, דעם 28סטן דעצעמבער 2015, 19:00 אַ זייגער אין כּרמיאל, אינעם זאַל "אױדיטאָריום" (שׂדרות קק"ל 100) וועט פֿאָרקומען אַ הומאָריסטישער אָוונט "חוויה בייִדיש" ("אַן איבערלעבונג אויף ייִדיש") מיט יאָסי יציבֿ. מער פּרטים באַקומט מען דורכן טעלעפֿאָן 050-5410287.

פֿרײַטיק, דעם 25טן דעצעמבער 2015, 10:30 אַ זייגער אינעם לייוויק־הויז, דעם פֿאַראיין פֿון ייִדישע שרײַבערס און זשורנאַליסטן אין ישׂראל (דבֿ־הוז־גאַס 30) וועט פֿאָרקומען אַ ליטעראַרישער שמועס לכּבֿוד דעם 100־סטן יאָרצײַט פֿון יצחק־לייבוש פּרץ. 

דעם פֿאָרזיץ פֿירט ד"ר חנה שטערער. נאָך פּרטים באַקומט מען דורכן טעלעפֿאָן 03-5231830.

דאָנערשטיק, דעם 24טן דעצעמבער 2015, 17:30 אַ זייגער אינעם מוזיי פֿון ארץ־ישׂראל (חיים־לבֿנון־גאַס 9, רמת־אָבֿיבֿ) וועט פֿאָרקומען אַ לעקציע פֿון ד"ר מרדכי יושקאָווסקי אויף דער טעמע "סאַטירע אין דער ייִדישער ליטעראַטור".

די אימפּרעזע ווערט דורכגעפֿירט אינעם גערעם פֿונעם ציקל "פֿון אַלץ צו ביסלעך". מער פּרטים באַקומט מען דורכן טעלעפֿאָן 03-6422113.

אַלע מאָנטיק 10:00 אַ זייגער אינעם תּל־אבֿיבֿער סירקין־קלוב (אַרלאָזאָראָוו־גאַס 101, פֿערטער שטאָק, דער זאַל אויפֿן נאָמען פֿון עמיר פּרץ) קומען פֿאָר רעפֿעראַטן און לעקציעס אויף ייִדיש.

דעם 7טן און דעם 14טן דעצעמבער 2015 דערציילט פּראָפֿעסאָר דבֿ־בער קאָטלערמאַן וועגן דער רעליגיעזער ליטעראַטור, וואָס איז געשריבן געוואָרן אויף ייִדיש, און בפֿרט דעם ספֿר "צאנה וראינה". אויף דעם 21סטן און דעם 28סטן דעצעמבער זענען פּלאַנירט געװאָרן רעפֿעראַטן פֿון ד"ר לאה איילון.
 
טעטיקייט פֿונעם קלוב ווערט געשטיצט פֿון דער שפּירא־פֿונדאַציע, ווי אויך פֿון דער משפּחה רײַטשיק. מער פּרטים באַקומט מען דורך די טעלעפֿאָנען 03-6990532, 054-4888387, 077-2097526.

מיטוואָך, דעם 16טן דעצעמבער 2015, 20:00 אַ זייגער אין פּתּח־תּקווה, אינעם לאָקאַל "שרת" (העלייה־השנייה־גאַס 1), וועט פֿאָרקומען אַ פֿײַערלעכער קאָנצערט לכּבֿוד דעם 90סטן געבוירן־טאָג פֿון דער זינגערין זשעניאַ פֿײַערמאַן.

נאָר וואָס איז זשעניאַ צוריקגעקומען פֿון די גאַסטראָלן אין פּוילן; פֿריִער הײַיאָר האָט זי אויפֿגעטראָטן אין די פֿאַראייניקטע שטאַטן.

און דאָנערשטיק, דעם 17טן דעצעמבער, 17:00 אַ זייגער אין נצרת־עלית, אינעם זאַל "לבֿון", וועט פֿאָרקומען זש. פֿײַערמאַנס קאָנצערט "באַליבטע ייִדישע לידער".

דער ייִדיש־צענטער בײַם ייִדישן וועלט־קאָנגרעס פֿאַרשפּרייט זײַן טעטיקייט איבער פֿאַרשיידענע קאָנטינענטן. דעם פֿאָריקן האַרבסט האָט ער זיך באַטייליקט אין דער פֿײַערונג פֿונעם 90־יאָריקן יובֿל פֿון דער ייִוו"אָ אין ווילנע. נאָך דעם האָט ער, בשותּפֿות מיט רוסלענדישע ייִדישע אָרגאַניזאַציעס, געפּראַוועט די "ייִדיש־טעג" אין מאָסקווע. צוזאַמען מיט דער אָרטיקער ייִוו"אָ־אפּטיילונג האָט דער צענטער דורכגעפֿירט די ייִדיש־סעמינאַרן אין בוענאָס־אײַרעס (אַרגענטינע) און מאָנטעווידעאָ (אורוגווײַ).

אין אַלע אימפּרעזעס האָבן אָנטיילגענומען ישׂראלים, צווישן זיי פּראָפֿ' וואָלף מאָסקאָוויטש,  ד"ר מרדכי יושקאָווסקי און די זינגערין מאַרינאַ יעקובאָוויטש. מער פּרטים וועגן די דאָזיקע און אַנדערע אַקטיוויטעטן געפֿינט מען אויפֿן וועבזײַטל.

דער פֿרישער נומער (volume 35:3)פֿונעם ענגליש־שפּראַכיקן זשורנאַל Poetics Today ("דיכטונג הײַנט"), אַרויסגעגעבן פֿונעם דיוקער אוניווערסיטעט (די פֿאַראייניקטע שטאַטן), איז פֿולשטענדיק געווידמעט דער מאָדערנער ייִדישער ליטעראַטור־פֿאָרשונג.

דעם נומער האָט רעדאַגירט חנה ווירט־נשר, די דירעקטאָרין פֿונעם גאָלדרײַכס אינסטיטוט פֿאַר ייִדיש־לימודים בײַם תּל־אָבֿיבֿער אוניווערסיטעט. מער פּרטים באַקומט מען אויפֿן וועבזײַטל.

poetics

די מיטגלידער פֿונעם געזעלשאַפֿטלעכן ראַט פֿון דער נאַציאָנאַלער אינסטאַנץ פֿאַר ייִדישער קולטור באַוויינען די פּטירה פֿונעם פֿינפֿטן פּרעזידענט פֿון מדינת־ישׂראל, פֿאָרזיצער פֿון דער נאַציאָנאַלער אינסטאַנץ פֿאַר לאַדינאָער קולטור יצחק נבֿון, ע"ה.

פּרעזידענט נבֿון, ז"ל, איז געווען אַ פֿילזײַטיקע פּערזענלעכקייט. ער האָט אומדערמידלעך געהאָרעוועט און געקעמפֿט לטובֿת אָפּהיטן און פֿאַרהיטן די קולטור אויף לאַדינאָ אין מדינת־ישׂראל און לטובֿת דעם גאַנצן ייִדישן פֿאָלק.

navon

דעם 29סטן אָקטאָבער 2015 איז אויפֿגעמאַכט געוואָרן פֿאַרן ברייטן עולם אַ ייִדישע ביבליִאָטעק פֿונעם בר־אילן־אוניווערסיטעט. די זאַמלונג, וואָס אַנטהאלט אַן ערך 30 טויזנט ביכער און זשורנאַלן, געפֿינט זיך אין דער געבײַדע נומער 401. די ביבליִאָטעק איז אָפֿן אַלע זונטיק צווישן 10:00 און 13:00 אַ זייגער און אַלע דאָנערשטיק פֿון 09:45 ביז 11:45 אַ זײגער.

דעם 5טן נאָוועמבער איז בײַם ייִדיש־צענטער אויפֿן נאָמען פֿון רינה קאָסטאַ עטאַבלירט געוואָרן אַ פֿאָרשונגס־אַנשטאַלט אינעם תּחום פֿון דער רעליגיעזער ליטעראַטור אױף דער ייִדישער שפּראַך. בראש פֿונעם נײַעם אַנשטאַלט שטייט פּראָפֿעסאָר דבֿ־בער קאָטלערמאַן.

bar ilan religyeze bixer

bar ilan religieze bixer

 

מיטוואָך, דעם 18טן נאָוועמבער 2015, 20:00 אַ זייגער, אינעם תּל־אָבֿיבֿער קולטור־צענטער "יונג ייִדיש" (די נײַע צענטראַלע אויטאָבוסן־סטאַציע, לעווינסקי־גאַס 108, סטודיאָ 5008) וועט פֿאָרקומען אַ קאָנצערט פֿון די זינגערס אָלגאַ־אבֿיגיל מעלעשטשוק און מענדי כּהנא.

אין אַ היימישער אַטמאָספֿער, בײַ די ליכטלעך, וועלן זיי אויספֿירן באַקאַנטע און זעלטענע ייִדישע לידער, באַגלייט פֿונעם טרומייטער אלי פּרעמינגער. נאָך פּרטים אויפֿן וועבזײַטל.

mendi olga

אינעם ישׂראלדיקן פֿאַרלאַג "מנורה" איז פֿאַרעפֿנטלעכט געװאָרן אַ נײַ בוך פֿונעם באַקאַנטן ייִדישן דראַמאַטורג מיכאל פֿעלזענבאַום "אויפֿן הימל אַ יריד...".

די אױסגאַבע באַשטײט פֿון זיבן קאָמעדיעס, װעלכע זענען אָנגעשריבן געװאָרן אין משך פֿון די לעצטע 25 יאָרן: "אויפֿן הימל אַ יריד...", "תּחית־המתים אין מיטן דער וואָך", "מערת־המכפּלה", "אַ גוטן תּמיד, ר' יצחק־לייבוש", "איינצל־קאַמער", "אַ שׂימחה אין שטעטל" און "רחמנא לבא בעי".

אַ טייל פֿון די־אָ ווערק זענען איבערגעזעצט געוואָרן אויף דײַטש, רוסיש און ענגליש און אויפֿגעפֿירט געװאָרן אין טעאַטערס, בתוכם דרעזדענער ראָק־טעאַטער. 

felzenbaum book

דאָס בוך האָט 438 זײַטן. די הילע און די אילוסטראַציעס זענען פֿון מאַרק קאַנאָוויטש, דעם מחברס פֿאָטאָבילד – אינגריד פּעטיט.

felzenbaum portrait

festival muzika10 2015

די ביכער, װאָס זענען אַנומלט אַרױסגעגעבן געװאָרן מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור:

שװאַרצע קרעלן - אַבֿרהם סוצקעווערס פּאָעטישע און פּראָזאַיִשע ווערק איןנײַע העברעיִשע איבערזעצונגען פֿון בני מר.סוצקעווער איז איינער פֿון די גרעסטע ייִדישע שרײַבערס פֿונעם 20סטן יאָרהונדערט. זעט נאָך פּרטים אויפֿן וועבזײַטל.

אין די שפּורן פֿון "גדוד העבודה" (אַרבעטס־בריגאַדע) – אַ זאַמלונג פֿון שירה גאָרשמאַנס דערציילונגען אויף ייִדיש באַגלייטע מיט העברעיִשע איבערזעצונגען. די שרײַבערין האָט געלעבט און געשאַפֿן אין דער געוועזענער מאַנדאַט־פּאַלעסטינע, אין ראַטן־פֿאַרבאַנד און אין מדינת־ישׂראל. דאָס בוך איז אַרױסגעגעבן געוואָרן אינעם ה. לייוויק־פֿאַרלאַג, פֿאַראיין פֿון ייִדישע שרײַבערס און זשורנאַליסטן אין ישׂראל.

gorshman

gorwman

"אין געוועב" – אַ דיגיטאַלער זשורנאַל וועגן ייִדישער שפּראַך און קולטור – איז עטאַבלירט געוואָרן פֿון אַ גרופּע יונגע אַמעריקאַנער ייִדיש־פֿאָרשערס.

צווישן זייערע צילן: פֿאָרזעצן די אַלטע טראַדיציעס און אויפֿמאַכן נײַע וויסנשאַפֿטלעכע און קולטורעלע האָריזאָנטן אויף דעם דאָזיקן געביט.

דער וועב־אַדרעס פֿונעם זשורנאַל: https://ingeveb.org

zaritt

איינער פֿון די גרינדער, ד"ר שאול־נועם זאַריט פֿונעם וואַשינגטאָן־אוניווערסיטעט אין דער שטאָט סענט־לויִס.

אַ דאָקומענטאַלער פֿילם אויף העברעיִש "רנסנס יידישאי" (ייִדישער רענעסאַנס), געווידמעט דעם ווידעראויפֿקום פֿון מאַמע־לשון אין ישׂראל און אין אויסלאַנד, איז פּרעזענטירט געוואָרן אין אויגוסט 2015 אויפֿן 98סטן קאַנאַל פֿון דער ישׂראלדיקער טעלעוויזיע.

אינעם פֿילם האָבן זיך באַטייליקט אַקטיאָרן מײַק בורשטיין און ענת עצמון, ד"ר מרדכי יושקאָווסקי און אַנדערע קולטור־טוערס. זעט נאָך פּרטים אויפֿן וועבזײַטל.

דעם 8טן סעפּטעמבער 2015 האָט זיך אין קיִעוו געעפֿנט איינער פֿון די פּאָפּולערסטע טעאַטער־פֿעסטיוואַלן אין אוקראַיִנע — "די בלאָנדזשענדע שטערן".

דער פֿעסטיוואַל לכּבֿוד שלום־עליכם נעמט אַרײַן טרופּעס פֿון 19 לענדער, וואָס שפּילן אויף 10 שפּראַכן, אַרײַנגערעכנט ייִדיש. לייענט דעם אַרטיקל אין דער צײַטונג "פֿאָרווערטס".