15.2 לעקציע פֿון קובי לוריא אין ירושלים

דאָנערשטיק, דעם 15טן פֿעברואַר 2018, 10:45 אַ זייגער, אינעם ירושלימער קהילה־צענטער "גינות־העיר" (עמק־רפֿאים־גאַס 12) וועט דער מוזיק־פֿאָרשער קובי לוריא דערציילן וועגן מאַרק וואַרשאַווסקי - דעם ייִדישן פֿאָלקס־פּאָעט און קאָמפּאָזיטאָר, מחבר פֿונעם באַרימטן ליד "אויפֿן פּריפּעטשיק".

די אימפּרעזע ווערט אָרגאַניזירט אונטערן פּאַטראָנאַזש פֿון דער נאַציאָנאַלער אינסטאַנץ פֿאַר ייִדישער קולטור. 

נאָך פּרטים באַקומט מען דורך די טעלעפֿאָנען 054-6650183, 02-5664144.