30.11 אין תּ"אָ – אָוונט לכּבֿוד דעם דערשײַנען פֿון דער אַנטאָלאָגיע פֿון ייִדישער פּאָעזיע

דאָנערשטיק, דעם 30סטן נאָוועמבער 2017, 8:30 אַ זייגער נאָך מיטאָג, אינעם תּל־אָבֿיבֿער לאָקאַל "נווה־שעכטער" (שלוש־גאַס, 42) וועט פֿאָרקומען אַ ליטעראַרישער אָוונט לכּבֿוד דעם דערשײַנען פֿון דער צוויישפּראַכיקער (ייִדיש/העברעיִש) אַנטאָלאָגיע פֿון ייִדישער דיכטונג פֿון די לעצטע הונדערט יאָרן אונטערן טיטל "גבוה מן הפחד אשיר" ("העכער פֿון דער מורא וועל איך זינגען").

דאָס אַרויסגעבן דאָס בוך איז געשטיצט געוואָרן פֿון דער נאַציאָנאַלער אינסטאַנץ פֿאַר ייִדישער קולטור.