1.3 סטודענטן פֿון נ. ליפֿשיץ זינגען אין תּל־אָבֿיבֿ

מיטוואָך, דעם 1טן מערץ 2017, 19:30 אַ זייגער, אינעם קולטור־צענטער "שלום־עליכם־הויז" )בערקאָוויטש־גאַס 2, תּל־אָבֿיבֿ) וועט פֿאָרקומען אַ קאָנצערט פֿון די תּלמידים פֿון דער קונסט־סטודיע, געגרינדעט פֿון נחמה ליפֿשיץ. בײַם קלאַוויר – דירעקטאָרין פֿון דער סטודיע, רעגינע דריקער.

דער געזאַנג וועט באַגלייט ווערן פֿון די בילדער פֿון ייִדישע מאָלערס, דעריבער הייסט די אימפּרעזע "לידער און קאָלירן". זי ווערט געשטיצט פֿון דער נאַציאָנאַלער אינסטאַנץ פֿאַר ייִדישער קולטור. נאָך פּרטים באַקומט מען דורכן טעלעפֿאָן 03-6956513.