22.9.2024 אָוונט פֿונעם פֿרײַען רײדן אויף ייִדיש דורך "זום"

זונטיק, דעם 22סטן סעפּטעמבער 2024, 18:00 אַ זייגער, אָרגאַניזירט דער תּל־אבֿיבֿער ייִדישער קולטור־צענטער "לייוויק־הויז" ("בית לייוויק") דעם אָוונט אין זום "לאָמיר כאַפּן אַ שמועס אויף מאַמע־לשון". די לייטערין (מאָדעראַטאָרין) איז טובֿה רעשטיק.

די אָנטיילנעמער וועלן צעטיילט ווערן אויף גרופּעס לויט זייער שפּראַך־ניוואָ. קיין שום פֿאָרויס־פֿאָדערונגען זײַנען ניטאָ.

דער קרײַז פֿונקציאָנירט אונטערן פּאַטראָנאַזש פֿון דער נאַציאָנאַלער אינסטאַנץ פֿאַר ייִדישער קולטור. באַטייליקונג איז פֿרײַ.

כּדי אַרײַנצוגיין אין דער זום־קאָנפֿערענץ, דריקט אויף דער פֿאַרבינדונג (דעם צווישנדל): https://did.li/8P65q