מיטוואָך, דעם 3טן יוני 2026, 11:00 אַ זייגער, וועט אינעם "הויז פֿון ווילנע און אומגעגנט" ("בית וילנה", אַדרעס: שׂדרות יהודית 30, תּל־אבֿיבֿ) פֿאָרקומען אַ פֿאַרכאַפּנדיקער שמועס "ייִדיש מיט פֿאַרגעניגן" אונטער אלי שאַרפֿשטיינס אָנפֿירונג.

יעדער אָנטיילנעמער/ין זאָל דערציילן דרײַ געשיכטעס: איינע גאַנץ אמתע פֿון זײַן/איר לעבן און צוויי אויסגעטראַכטע (מסתּמאַ באַזירטע אויף דער וואָר, אָבער מיט גוזמאות). די אָנוועזנדע וועלן פּרובירן צו טרעפֿן: וואָס עס איז אַן אמת און וואָס עס איז אַ גוזמא.

די באַטייליקונג קאָסט 40 שקלים. מע דאַרף זיך פֿאַרשרײַבן פֿאַר פֿריִער דורכן טעלעפֿאָן 052-3273427 (ערן) אָדער 052-8846726 (חנה).

מע וועט דערלאַנגען לײַכט איבערבײַסן און קאַווע. די אימפּרעזע ווערט אָרגאַניזירט מיט דער שטיצע פֿון דער נאַציאָנאַלער אינסטאַנץ פֿאַר ייִדישער קולטור.