9.1 לעקציע פֿון יעד בירן אין ירושלים

דאָנערשטיק, דעם 9טן יאַנואַר 2020, 10:45 אַ זייגער, אינעם ירושלימער קהילה־צענטער "גינות־העיר" (עמק־רפֿאים־גאַס 12) וועט דער וועגווײַזער און ליטעראַטור־קענער יעד בירן דערלאַנגען אַ לעקציע "מנחם־מענדל אין תּל־אָבֿיבֿ, טובֿיה דער מילכיקער אין עין־חרוד: יוסף טונקלס בוך וועגן דער רײַזע קיין ארץ־ישׂראל".

די אימפּרעזע ווערט אָרגאַניזירט אונטערן פּאַטראָנאַזש פֿון דער נאַציאָנאַלער אינסטאַנץ פֿאַר ייִדישער קולטור. נאָך פּרטים באַקומט מען דורכן טעלעפֿאָן 02-5664144, דער צוגאָב־נומער: 0/10.