לכּבֿוד דעם אָנדענק־טאָג פֿון חורבן און גבֿורה לאַדן מיר אײַך אײַן אױף אַן אָנרעגנדיקער צערעמאָניע מיט דער באַטייליקונג פֿונעם ייִדישפּיל־טעאַטער. די אימפּרעזע װעט פֿאָרקומען מיטוואָך, דעם 23סטן אַפּריל 2025, 19:30 אַ זייגער אינעם "הויז פֿון אַמעריקאַנישע ציוניסטן" ("בית ציוני אמריקה": דניאל־פֿריש־גאַס 1, תּל־אבֿיבֿ). 

מע וועט פֿאָרלײענען דעם יזכּור, אָנצינדן די זכר־ליכטלעך און װײַזן די פֿאָרשטעלונג "דער עדות" וועגן דעם, ווי דער ייִדישער דיכטער אבֿרהם סוצקעװער האָט געזאָגט עדות אויפֿן נירנבערגער געריכט.

אַרײַנגאַנג איז פֿרײַ, מע דאַרף זיך אָבער פֿאַרשרײַבן פֿאַר פֿריִער דורך דער פֿאַרבינדונג: https://yiddishpiel.smarticket.co.il/show/3