אויך דאָס יאָר וועט די מאָנטרעאָלער ייִדישע פֿאָלקס־ביבליאָטעק (קאַנאַדע) אויסטיילן דרײַ ליטעראַרישע פּרײַזן צו ייִדישע שריפֿטשטעלער, וועלכע האָבן פֿאַרעפֿנטלעכט נײַע ביכער אין משך פֿון די יאָרן 2025-2024.

דער לעצטער טערמין פֿאַרן אַרויסשטעלן די קאַנדידאַטורן און אַרײַנשיקן די ביכער איז דער 15טער אויגוסט 2026.

דער/די שרײַבער(ין) מעג וווינען אין וואָסער לאַנד עס זאָל ניט זײַן. אין די פֿריִערדיקע יאָרן האָבן מיכאל פֿעלזענבאַום, דבֿ־בער קאָטלערמאַן און אַנדערע ישׂראלים באַקומען אַזעלכע פּרעמיעס.

.